«Ֆասթ Կրեդիտ Կապիտալ» ունիվերսալ վարկային կազմակերպություն փակ բաժնետիրական ընկերությունը գրանցվել և լիցենզավորվել է 2011 թվականի հոկտեմբերի 14-ին, ՀՀ Կենտրոնական բանկի լիցենզիա` թիվ 37:
«Ֆասթ Կրեդիտ Կապիտալ» ՈՒՎԿ ՓԲԸ-ն հիմնադրվել է «Ֆաստ Կրեդիտ» ՍՊԸ գրավատների ցանցի հիմնադիրների կողմից:
Գրավատների ցանցը գործում է 1994 թվականից, և ներկայումս իր մեջ ներառում է տասը գրավատուն, որոնցից ութը գտնվում են Երևան քաղաքում, մեկը Գյումրիում և մեկը Արմավիրում: Առաջիկայում բոլոր գրավատները կդառնան «Ֆասթ Կրեդիտ Կապիտալ» ՈՒՎԿ ՓԲԸ մասնաճյուղեր, իսկ գրավատների վարկային պորտֆելը կտեղափոխվի վարկային կազմակերպություն:
Ներկայումս գրավատներում սպասարկվում են մոտ 47 հազար հաճախորդ, և հաճախորդների թիվն օրեցօր աճում է: Այս պարագայում առաջնային խնդիրներից մեկն է դառնում հաճախորդների էլ ավելի արագ և որակյալ սպասարկումը, ինչն էլ և հանդիսացել է վարկային կազմակերպության հիմնադրման նախադրյալներից մեկը:
Վարկային կազմակերպությունը նախատեսում է ակտիվորեն ընդլայնել իր աշխարհագրությունը և մասնաճյուղեր հիմնել բոլոր մարզկենտրոններում և խոշոր քաղաքներում: