ԱՐԶՆԻ ԱՌՈՂՋԱՐԱՆԱՅԻՆ ԿԵՆՏՐՈՆԸ գտնվում է ծովի մակերևույթից 1250 մ բարձրության վրա, Հրազդան գետի կիրճում, Երևանից դեպի հյուսիս, 23 կմ հեռավորության վրա։
Արզնիում կլիման ցամաքային է, մեղմ, ցուրտ ձմեռով՝ հունվար ամսին –5°C միջին ջերմաստիճանով, ջերմ, հաճելի ամառով՝ հուլիս ամսին +22°C միջին ջերմաստիճանով, երկարատև և տաք աշունով։ Արևային օրերը տարվա մեջ կազմում են 2236 ժամ։ Պարզ օրերի քանակով Արզնին գերազանցում է Կովկասի բոլոր կուրորտներին։ Բարոմետրիկ ճնշումը կայուն է, առանց կտրուկ տատանումների և հավասար է 657 մմ սնդիկի սյան։ Արզնի հանքային ջրերի բուժական հատկությունները հայտնի են եղել դեռևս հին ժամանակներում։ Կուրորտի հիմնական բուժիչ գործոնները հանդիսանում են ածխաթթու-քլորիդահիդրոկարբոնատանատրիումային ջրերը, ինչպես նաև լեռնային տեղանքի կլիմայական պայմանները՝ ցածր բարոմետրիկ ճնշումով։ Արզնի հանքային ջրերը, որոնք պարունակում են մեծ քանակությամբ ածխաթթու գազ 1,25-2,0 գ/լ և միներալ էլեմենտներ 8-10 գ/լ, հանդիսանամ են արդյունավետ բուժման հիմնական գործոնները։ «Արզնի» առողջարանը նախկին լեչկոմիսիան հագեցված է առողջարանակուրորտային բուժման ամբողջ կոմպլեքսով։
Առողջարանում գործում են`
լոգանքներ՝ Արզնի հանքային ջրով, փշատերևով
ջրաբուժություն՝ ջրային, ցիրկուլյար, հովհարային, վերընթաց, անձրևային և շարկո ցնցուղներ,
մանուալ թերապիա՝ մերսումներ, բուժական ֆիզկուլտուրա, տերենկուր քայլուղի,
պարաֆինոթերապիա, տորֆոթերապիա,
Иինհալատորիում և թթվածնաթերապիա:
ասեղնաբուժություն և տզրուկաբուժություն,
աղիքային և ստամոքսային լվացումներ հանքային ջրով,
գինեկոլոգիական ոռոգում հանքային ջրով,
էլեկտրոֆիզիոթերապիա՝ էլեկտրոֆորեզ, Դ՛Արսոնվալ, անդրադարձ ՈՒՎՉ, կվարց, ամպլիպուլս, էլեկտրաքուն։
Բուժական պրոցեդուրաներ
1. Սիրտ-անոթային համակարգի հիվանդություններ
Ա Սրտի Իշեմիկ Հիվանդություն՝ կայուն ստենոկարդիա, հետինֆարկտային կարդիոսկլերոզ։ Սրտի աորտո-կորոնար շունտվորոմ վիրահատությունից հետո:
Բ Հիպերտոնիկ հիվանդություն I և II աստ.:
Գ Սրտի արատներ տարբեր էտիոլոգիայի հ1: Վիճակ կոմիսուրոտոմիայից հետո:
Դ Նևրոզներ առավելապես սիրտ-անոթային համկարգի ախտահարումով։
2. Աղեստամոքսային տրակտի հիվանդություններ.
Ա Գաստրիտներ, ստամոքսի և 12֊-մատնյա աղու խոցեր:
Բ Դուոդենիտներ, էնտերիտներ, կոլիտներ:
Գ Լյարդի, լեղապարկի հիվանդություններ, պանկրեատիտներ:
3. Հենաշարժիչ ապարատի հիվանդություններ, արթրիտներ, արթրոզներ, օստեոխոնդրոզ։
4. Նյութափոխանակության հիվանդություններ.
ԱՇաքարային դիաբետ թեթև և միջին ծանրության:
Բճարպային փոխանակության խանգարում:
ԳՊոդագրա։
5. Կանացի սեռական օրգանների հիվանդություններ։
Հակացուցումներ հանդիսանում են վերը նշված բոլոր հիվանդությունները սրացման շրջանում։ Բուժումից և պրոցեդուրաներից ազատ ժամերին հանգստացողները օգտվում են առողջարանի բազմաթիվ զվարճանքներից՝ խաղերից բիլիարդ, թենիս, շախմատ, լողավազանից և սպորտային դահլիճից։ Կազմակերպվում են նաև կուլտմասսայական միջոցառումներ։ Բուժման կուրսի միջին տևողությունը 18օր է։ Գները առողջարանում մատչելի են: Յուրաքանչյուր համարում կա շուրջօրյա տաք և սառը ջուր, սառնարան, հեռուստացույց, օդաորակավորիչ: Տրամադրվում է 4 անգամյա դիետիկ սնունդ, հանգստացողների ցանկությամբ ընդունվում են նաև անհատական պատվերներ։ Ցանկության դեպքում ժամանողներին կդիմավորեն օդանավակայանում: Կկազմակերպվեն էքսկուրսիաներ Հայաստանի և Արցախի տեսարժան վայրեր։