Լրացուցիչ ինֆորմացիա
ՙԱՐՇՄԱՐ® դենտալ՚ ստոմատոլոգիական բժշկական հաստատությունը հիմնադրվել է 2008 թվականի հոկտեմբերի 18-ին անհատ ձեռներեց Հարություն Հարությունյանի և բժիշկ-ստոմատոլոգներ Ռոբերտ և Թեհմինե Հարությունյանների կողմից: Հիմնադրման օրից բժշկական հաստատությունն անվանվել է հիմնադիրների ծնողների՝ Արշակ և Մարան Հարությունյանների անվան ՙԱՐՇՄԱՐ® դենտալ՚ ստոմատոլոգիական բժշկական հաստատություն: Բժշկական հաստատության առաքելությունն է բնակչությանը պարգևել գեղեցկություն և առողջություն:
Շուրջ 9-ամյա գործունեության ընթացքում բժշկական հաստատությունն ընդլանվել է և զարգացել, չնայած դժվար ֆինանսատնտեսական պայմաններն: Ներկայում ապահովված է բարձր պատրաստվածություն ունեցող բժիշկներով և օգնող անձնակազմով, ժամանակակից նյութատեխնիկական բազայով և գոհ Պացիենտների լայն աշխարհագրությամբ: Բժշկական օգնությունն ու սպասարկումն իրականացվում է բժշկական հաստատության կողմից հաստատված ստանդարտներով, համապատասխան բժշկական փաստաթղթերով և ընթացակարգերով, որոնց կազմելու համար հիմք են հանդիսացել Հայաստանի հանրապետության օրենսդրությունը, մասնագիատական պրակտիկայում առկա ստանդարտները:
ՙԱՐՇՄԱՐ® դենտալ՚-ի ստոմատոլոգիական բժշկական օգնության հիմնական տեսակներներ են՝ թերապիա (էնդօդոնտիա, պարօդոնտոլոգիա, ատամնաշարի վերականգնում), վիրաբուժություն, ռենտգենաբանական ախտորոշում, օրթոպեդիական պրոթեզավորում:
Հաստատության բժշկական օգնություն և սպասարկում իրականացնելու ամենօրյա աշխատանքների հիմքում դրված է ՙԱռավելագույն արդյունավետ բուժում՚ սկզբունքը, որի համար ստեղծվել են արդյունավետ բուժման տարբերակներ, ապահովվել Պացիենտների համար հարմարավետ, ինֆեկցիոն անվտանգ պայմանաններ ու հոգեբանական բարենպաստ մթնոլորտ, ցանկացած բարդության աշխատանքների կատարման մասնագիտական կարողություններ և պրոֆեսիոնալ ծառայություններ մատուցող տարբեր հաստատությունների հետ արգասաբեր համագործակցություն:
Մեր Պացիենտը ստանում է լիարժեք տեղեկատվություն իր բերանի խոռոչի առողջության, բժշկման գործողությունների և եղանակների, դրանց արդյունքների և երաշխիքների, հետբժշկական երաշխիքային անվճար ծառայության և պրոֆիլակտիկ անվճար այցերի մասին: Մենք երկար տարիներ կապ ենք պահպանում մեր Պացիենտների հետ և նրանց անհանգստացնող ցանկացած հարց դառնում է մեր խնդիրը, որը երաշխիքային սպասարկման շնորհիվ վերացվում է արագ և ժամանակին:
